يـالله عفوك لا معي بـيـجر ولا جـــوال

قصيده اعجبتني حبيت امتعكم فيها

بسم الله نبدا
الا يالله عفـوك لا معـي بيجـر ولا جـــــوال ..
ولا عندي وظيفـه والتجـاره فاشلـن فيهـا

ولاعندي شهاداتـن ولا حرفـه تسـد الحـال..
ولا حظن كبيــــرن لأخطـت الجـره يقديهـا

مخابي الثوب تومي ما دخلها من زمان ريـال..
بها فاتـورة الكهـرب ولا يمدينـي أقضيهـا

على ذيك العراوي تتعب الحادي مع الجمـال..
ثلاث شهـور فالورشـه وشهريـن مغطيهـا

ابيها لوتجمـل يـوم واجلبهـا علـى الـدلال..
يجيها واحدن حظـه مثـل حظـي ويشريهـا

نصيت العسكريه يوم قالـوا للنظـام إرجـال..
وقدمت الملف و صورتن متشخصـن فيهـا

خذ الأوراق مني واحدن ما عنـد أبـوه دلال..
سلوم الناس وأهل المعرفه والطيب مخطيهـا

قراها في دقيقه والتفت عجلـن علـي وقـال..
شهادتك العظيمه ياولـد ويـن انـت مخفيهـا

هزيت الراس ما عندي تقول اني من البنقـال..
وقمت أحـب خشمـه واطلبـه بالله تمشيهـا

حذفها من يده شين الطبيعـه والنبـا والفـال..
وقال أزين تعـود صـوب نوقاتـك تعشيهـا

تناوشته من الكرسي وعقت الحل والترحـال..
وضربته بالبياله عقـب مـا بيحـت شاهيهـا

خذوني للسجن لانيـب لاظالـم ولا محتـال..
مجرد واحدن جـا يكحـل عيونـه فيعميهـا

ويومني خرجت أقفيت لارض الله وسيع الجال..
علـى بـرن هـواه يـداوي العلـه ويبريهـا

ادور قصعة الجربوع والضب الفتـى يحتـال..
والأرنب ياشفاة الـروح محلاهـا وطاريهـا

بلا كهرب ولابيجـر ولا غـازن ولا جـوال..
قوانين الحضـاره لاتبـي شوفـي ولا بيهـا

وسلامة الجميع

منقول

سلمت يدك انسه قلبي ضناني

لاتنقلين غير المميز دائما

لك ارق تحيه

ملحووس مشكور على المرور الذوووق يا كل الذوووووووق


يسلمووو