يالحر هي طايره بشكـال وأنواعـي
أنته فهيـم وفهيـم الفهـم يساويهـا
ماجيتك إلا بعد ماظاقـت أوساعـي
عندي وصيـه أبـا تفهـم معانيهـا
ودي تقرب وتنصتلـي بالإسماعـي
وأن طالت السالفه مابـاك تشكيهـا
ربي بلاني بحب أنسـان ماطاعـي
من زود حبي يقوم الشعـر يبكيهـا
أن كان علمي وصلك أرجوك لاداعي
مظمونها خطوتـن زادت خطاويهـا
لاتفشي السر وتزود لـي أوجاعـي
مثلك يطبب جروح القلـب يشفيهـا
أن كان نفسك تلوم الحـب ياساعـي
شكرن وشكرن ترى ماعاد لي فيهـا
وان كان قلبك على هالحب جواعـي
أنا أشهد أني وصلت ولـك معاليهـا
حبه ترى زارعه مابين ألاظلاعـي
ليته يشوف المحبـه كيـف نسقيهـا
الصاحب اللي يخل القلـب لواعـي
قلـه يشيـل الحواجـز لايخليـهـا
لوزاد ثقله تـرى باقـول طماعـي
هذي وصاتي ولـه تكفـى توديهـا
موضوع: بيديك ياساعي بقلم حمد الساعي 
الجمعة يوليو 18, 2008 6:24 pm
